आमवात (Rheumatoid Arthritis)

आमवात (Rheumatoid Arthritis) 

आमवात हा बरा होण्यास खूप वेळ घेणारा आजार आहे..पेशंट आणि डॉक्टर ची सत्वपरीक्षा च म्हणा ना..सतत या आजारामध्ये ups आणि downs येत असतात ..आज पेशंट बरा आहे म्हणेपर्यंत हवामान बदल,खाण्या पिण्यात बदल झाला तर लगेच सांधे दुखायला आणि सुजायला सुरवात होते..

"रोगा: सर्वेपी मंदेग्नो" म्हणजे सगळ्या आजारांचे मूळ कारण हे आयुर्वेदामध्ये अग्निमांद्य सांगितले आहे..अग्नी मंद असेल ,नियमित व्यायाम करत नाही आणि विरुद्ध आहार वरचेवर सेवन यामुळे आमवाताची पाया भरणी होते..

सामान्य लक्षणे

१)अंग जड होते

२)ताप येतो 

३)भूक मंदावते 

४)पोट साफ होत नाही 

५)सांधे स्पर्शाला गरम लागतात.

६)सांधे सुजतात आणि लाल होतात.

७) अतिशय तीव्र वेदना होतात सांध्याच्या ठिकाणी.

आमवातामध्ये वेदना एका सांध्या कडून दुसऱ्या सांध्याकडे संचार करतात.हालचाल खूप मंद होते.

 RA Test negative आली म्हणजे आमवात नाही असे म्हणता येणार नाही.लक्षणांवरून आमवात ओळखता येतो.

 

 या आजारात पथ्यापथ्य पाळणे अत्यंत गरजेचे असते.पचायला हलका आहार घ्यावा लागतो..

 

मोठ्या डाळी,दही,तेलकट पदार्थ ,विरुध्द आहार ,रात्री जागरण ,दिवसा झोप या गोष्टी टाळाव्यात.

आमवाता मध्ये पेशंट ने संपूर्ण विश्रांती घ्यावी लागते..तसेच तेलाने मालिश करू नये..त्याने त्रास वाढतो..कापडाच्या पुरचुंडी मध्ये मीठ किंवा गरम वाळू घेऊन त्याने सांधे शेकावेत..

आमवाता मध्ये treatment आणि पथ्य हे बरोबरीने महत्त्वाचे आहे..३ ते ६ महिने ते कधीकधी वर्षभर सुद्धा औषधे द्यावी लागतात..पण आजार पूर्णपणे बरा होतो हे नक्की..

 वैद्य विश्राम माळाकोळीकर 

 श्रीराम आयुर्वेदिक 

7350911888, 9420242484

आनंदी रहा, निरोगी रहा !!!